تفتكر ربنا .. راضي عنك؟

المشرف المساهمات : 41 تاريخ التسجيل : 22/02/2008

سلام عليكم يا جماعة .. ازيكوا عاملين ايه؟
أنا كتبت في الموضوع ده بالذات عشان اكيد كلنا بنسال نفسنا السؤال ده .. هو ربنا راضي عني؟ .. والحقيقة انا الكلام ده كتبه من احساسي .. يعني مسمعتهوش من حد قبل كده يمكن ناس تعترض معايا في بس انا بجد بكتبه لاني نفسي كل واحد يحس بي زيي ..
وعلشان نسهل الموضوع احنا هنرتبهم فى 1.. 2 ...3.. 4 .... وان شاء الله كل شوية هكتب في الموضوع ده بس قبل ما نبدأ بعد ذنك هطلب منك ورقة وقلم واكتب بس العناوين مش أكتر .. عشان في نهاية الموضوع خاااالص ان شاء الله تقدر تحطهم قدامك وترجع نفسك كل شوية ..
الحكاية يعني عملة زي عداد السرعة في العربية .. ممكن تقيس بيه إذا كن ربنا راضى عنك أو لاء

بسم الله الرحمن الرحيم ... يلا يا جماعة جاهزين ؟؟
أول مؤشر تعرف بيه رضا ربن عليك :-

1- صلاة الفجر

بتصلي الفجر؟ .. علي فكرة ناس كتييييييييييييييير اوي وانا كنت اولهم كنت بقول ان احنا طلما نايمين يبقي تسقط عننا الصلاة .. بس هسألك سؤال .. تفتكر ليه ربنا فرضها فى الوقت ده - وهو أعلم - ان احنا هنكون نايمين ... يااه بقالك كام سنة بتصلي 4 فروض بس !! انا مش هطول في النقطة دي وهخش معاك في موضوعنا علطول ..
طيب ليه صلاة الفجر بالذات؟
لو لاحظت ان كل الصلاوات ماعد الفجر (يعني الظهر والعصر والمغرب والعشاء) الاذان يؤذن .. واحنا نقوم نتوضا ونصلي ونكمل احنا كن بنعمل ايه ... يعني ممكن نكون بنعمل الصلاة دي كأي عمل روتيني .. علشان أحنا مفروض نصلي !!!!!!

انما صلاة الفجر .. أنت بتكون نايم .. مين اللي بيخليك تصحا عشان تصلي الفجر؟ .. والدك؟؟ والدتك؟؟ المنبه؟ .. لا ولله .. ممكن كل دول يصحوك وفي الاخر يغلبك الشيطان وتنام .. انما شوف لو ربنا راضي عنك هيخليك تصحا تقف قدامه وتكلمه .. اصل الصلاة دي مناجاة العبد لربه .. فشوف قد يه ربنا خلاك تصحا عشان عايزك تقف قدامه وتناجيه... سوء بقي عن طريق حد صحاك .. ول فكرك تظبط المنبه ولا ولا ...
ولا ياسلام بقي لو بتصحا علي الفجر من نفسك يااه
طب عايز تتاكد اكتتر .. شوف لما بتصح للفجر بتبقي صاحي مش قادر نفسك تنام .. ويمكن تنام وانت ساجد ناس كتير كده ؟؟ ولا بتبقي صاحي فايق كده وعارف انت بتقول ابه في الصلاة ...
أوعي تقول ان ده علي حسب ما انت نمت كم ساعة للفجر .. والله يا جماعة ببقي نيم ساعتين واصحي للفجر اكني نمت 12 ساعة .. فايق وكله تمام حتي اني ممكن انام بعد الفجر واصحا بعد 4 ساعات للجامعة احس كاني منمتش خالص ..

ها ياتري بتصحا للفجر حالتك ازاي .. فايق ولا ... ولا مبتصليش الفجر خالص ..

طب بالله عليك لو مش عارف تصلي الفجر راجع نفسك شوف ايه الغلط .. وتوب على طول .. ولو معرفتش ايه هي اللي بعدك عن ربنا .. بالله عليك قول الدعاء ده " استغفر لله الذي لااله الا هو الحي القيوم واتوب اليه " عل قد ما ربنا يقدرك ون شاء الله تغفر ذنويك .. يمكن تكون سب في قربك من ربنا

انا خلصت يا جماعة ومستني تعليقاتكم .. ولو حد عنده اضافة أة حجة فاتت عليا .. كتبوها .. وان شاء الله هكمل بقيت المؤشرات قريباً
يالا سلام عليكم